Mga pagkain at medical supplies, nagkakaubusan sa Japan dahil sa covid-19

TUGUEGARAO CITY- Nagkakaubusan na umano ng mga pagkain at medical supplies sa Japan dahil sa covid-19.

Sinabi ni Roger Reymundo, factory worker sa Japan, nagpa-panic buying ang mga mamamayan lalo na sa mga lugar na apektado ng virus dahil sa mahigpit na pagbabawal ng Japanese government sa mga pagtitipon.

Sa katunayan, sinabi niya na sarado ngayon ang mga eskwelahan at mga simbahan sa Saitama at iba pang lugar sa Japan.

Bukod dito, sinabi ni Reymundo na boluntaryo na lang ang pagpasok ng ilang empleado at ang iba ay nagtatrabaho sa pamamagitan ng internet.

Gayonman, sinabi niya na hindi pa nila tiyak kung tatalima kung sakaling ipag-utos ang repatriation ng mga OFWs.