Pinagtibay ni Pangulong Ferdinand Marcos Jr. ang pangako ng Pilipinas na mas aktibong makikilahok sa mga isyung pandaigdig at patuloy na makikipagtulungan sa ibang bansa para sa kapayapaan at kaunlaran.
Sa Vin d’Honneur sa Malacañang, sinabi ng Pangulo na mananatiling tapat ang bansa sa mga prinsipyo ng United Nations (UN) at sa pagsusulong ng makatarungan at nakabatay sa batas na pandaigdigang kaayusan.
Binigyang-diin din ni Marcos na mahalaga ang matibay na ugnayan at kooperasyon sa ibang bansa upang mapalakas ang kalakalan, pamumuhunan, at iba pang larangan ng pag-unlad ng Pilipinas.
Inaasahan din ang pagdaraos ng mga internasyonal na pagpupulong sa bansa sa mga susunod na buwan, kabilang ang paggunita sa ika-50 anibersaryo ng Treaty of Amity and Cooperation sa Southeast Asia, habang patuloy ang suporta sa kandidatura ng Pilipinas para sa puwesto sa United Nations Security Council.
