Inihambing ni Vice President Sara Duterte ang kaniyang karanasan sa panunungkulan sa dating Bise Presidente Jejomar Binay, at iginiit na mas mabigat ang kaniyang kinakaharap dahil dalawang beses umano siyang umabot sa impeachment.
Ayon kay Duterte, sinabi ito matapos ikumpara ng kaniyang mga kaibigan ang mga hamong kinakaharap niya sa mga naranasan ni Binay, na nagsilbing bise presidente mula 2010 hanggang 2016 ngunit hindi pormal na na-impeach o sumailalim sa impeachment trial.
Kasalukuyang nililitis sa Senado ang mga alegasyon laban kay Duterte kaugnay ng umano’y maling paggamit ng pondo ng bayan, hindi maipaliwanag na yaman, at mga banta ng pagpaslang. Tinatalakay na ng impeachment court ang ikalawang artikulo ng impeachment complaint na may kaugnayan sa kaniyang umano’y hindi maipaliwanag na yaman.
Kaugnay nito, kinuwestiyon ni Duterte ang alegasyong may panganib sa pambansang seguridad ang pakikipagnegosyo sa China, matapos kumpirmahin ng Anti-Money Laundering Council na isang kumpanyang iniuugnay sa kaniya at sa kaniyang asawa ang nakatanggap ng ₱319 milyon mula sa China at Hong Kong.
Giit ng bise presidente, dapat nakatuon sa serbisyo publiko ang mga kawani ng pamahalaan, habang nagpahayag naman siya ng pagdududa sa kalagayan ng mga politiko sa bansa.
