Umaasa si Senate President Sherwin Gatchalian na matatapos bago matapos ang 2026 ang impeachment trial ni Vice President Sara Duterte upang maalis ang kawalan ng katiyakan sa politika.
Ayon kay Gatchalian, maaaring makaapekto sa mga negosyante ang nagpapatuloy na impeachment proceedings dahil posibleng ipagpaliban muna nila ang kanilang mga investment habang hindi pa nareresolba ang usapin.
Gayunman, hindi nagtakda ng tiyak na deadline ang Senate President para matapos ang paglilitis sa Disyembre, dahil nakadepende ito sa bilang ng mga testigong ihaharap ng kampo ni Duterte at sa haba ng kanilang mga testimonya.
Nakatakdang pakinggan ng Senado ang depensa ng Bise Presidente sa susunod na yugto ng paglilitis.
Ayon kay Gatchalian, hihintayin muna nila ang listahan ng mga testigo bago matukoy kung gaano katagal ang kakailanganin upang matapos ang proceedings.
Kasalukuyang naka-break ang Senate impeachment court at nakatakdang ipagpatuloy ang paglilitis sa Nobyembre 9, na may sesyon sa buong linggo.
