Iniipat sa Correctional Institution for Women (CIW) sa Mandaluyong City kagabi si dismissed Bamban, Tarlac mayor Alice Guo, ayon sa Bureau of Jail Management and Penology (BJMP).
Napatunayang guilty si Guo sa qualified human trafficking at nahatulan ng life imprisonment at multa na P2 million kaugnay sa criminal activities sa illegal Philippine offshore gaming operator (Pogo) sa Bamban.
Una rito, sinabi ng CIW, limang araw na mananatili muna si Guo sa protocol quarantine sa kanilang Reception Diagnostic Center, kung saan sasailalim din siya sa medical examinations.
Pagkatapos ng quaratine period, ililipat siya sa RDC dormitory para sa 60-day mandatory orientation, diagnostics, at evaluation bago siya ilipat sa itinalagang dormitory sa Maximum Security Camp.
Naghain si Guo ng apela na manatili sa Pasig City Jail subalit ito ay ibinasura ng korte.
