Naglabas ng Show-Cause Order si Secretary Vince Dizon laban sa dalawang mataas na opisyal ng Department of Public Works and Highways (DPWH) Regional Office XI.
Pinagpapaliwanag ni Dizon ang regional director doon maging ang district engineer ng Davao Occidental District Engineering Office.
Kaugnay ito sa mahigit ₱96 million na Culaman Bridge Flood Control Project sa bayan ng Jose Abad Santos, Davao Occidental.
Lumalabas kasi na fully paid na ito noon pang 2022 pero hindi pa rin ito natatapos makalipas ang tatlong taon.
Nitong nakaraang linggo nang inspeksiyunin ni Dizon ang flood control projects na nadiskubreng isang “ghost project” na ngayon pa lamang sinisimulang gawin.
-- ADVERTISEMENT --
