Tuguegarao City-Malungkut y familya ni PFC Rowel Tabuada na Barangay Naruangan,Tuao,Cagayan ta pappatay na megafu ta nakaengkwentro da y grupo na rebelde nga New Peoples Army o NPA.
Ta kinagi ni Belinda Tabuada misis na suddalu,emosyonal yaw anna ari nga manguruk nga natay ngana y atawa na megafu ta nakergo na paga kagabi liye nga makwa y insidente.
Kinagi na misis nga nappatageno paga y mister na megafu ta ari iyya makakaturuk anna maggudugudu.
Annam nga ragun nga magatawa ira yaw ngana anna kinagi na nga mataki man y pappatay na atawa na ay tanggapan na yaw para ta familya da.
Kinagi na paga nga pangarap na mister na y massuddalu megafu ta turi abbing paga yaw ay puru palattuk y gayang na.
Fera taw ay tanggap gapa na yema na suddalu y pappatay na yaw.
Kinagi ni Redentor Tabuada tadday nga brngy kagawad nga awan tu makwa da megafu ta trabahu laman kanu yaw na ana da y masservi ta Nation tam.
Mattangi gapa y yema na yaw megafu ta nasippo y ana na.
Ikiddaw na gapa ta gobyerno nga iddan da ta ana na y dapat nga benepisyo nga para nissa megafu ta natay iyya ta engkwentro ta NPA.
Fera taw ay ikaya na familya Tabuada nga y ngamin na miyembro na NPA ay manoli da na ta Gobyerno tapenu magimammo y nation tam ngana.
