Kumakalat na suspensyon ng klase dahil sa Nipah virus, pinabulaanan ng DepEd

Mariing pinabulaanan ng Department of Education (DepEd) ang kumakalat na post sa social media tungkol sa umano’y suspensyon ng face-to-face classes sa bansa dahil sa Nipah virus.

Ayon sa DepEd, maging maingat at mapanuri sa mga impormasyong nababasa o nakikita online.

Pinaalalahanan din ng ahensya ang publiko na huwag i-follow ang mga page na nagbabahagi ng maling impormasyon at agad itong i-report.

Para naman sa mga opisyal na mga anunsiyo at impormasyon sa basic education, bumisita lamang sa official DepEd Phillipine social media accounts at website.