TUGUEGARAO CITY- Ekspektan kanu y patayan ta tumunuk nga vulan megafu ta ta tuloy nga war on drugs.
Kinagi ni Magdalo Representative Garry Alejano nga yaw ay ta kabalin nga kajan ni Presidente Rodrigo Duterte ta mekadwa nga State of the Nation Address na nga awan tu pakialam na ta batikos na human rights groups kunne gapa ta International Community ta kajan da nga extra judicial killings ta war on drugs.
Kinagi ni Alejano nga kahuru hurung y kinagi ni Duterte megafu ta awan tu respeto na ta human rights anna rule of law.
Mahurung gapa si Alejano nga igga pang-aabuso na otoridad ira ta nakagi nga kampanya megafu ta suporta na Presidente.
Fera taw ay kinagi ni Alejano nga awan tu substance y SONA ni Duterte megafu ta puru angontra anna anggarit ta kritiko y kinagi na.
