Inilabas na ng Commission on Elections (Comelec) ang mga tatakbo sa 2025 midterm elections sa lalawigan ng Kalinga.
Tatlo ang maglalabanlaban sa pagka-kongresista na sina Ret.PBGen Steve Ludan ng NPC, Sacrament Gumilab, independent at Caroline Agyao-PFP.
Maglalaban naman sa pagka-gobernador ang kasalukuyang governor na si James Edubba Jr.-Lakas-CMD, at dating governor Jocel Baac-PFP.
Apat naman ang naghain ng kanilang kandidatura para sa vice governor na sina Antonio Bakilan-independent, Mark Aldrich Diasen-independent, Dave Odiem-PFP, at Danzel Michael Langkit-Reform-PH.
Siyam ang tatakbo sa pagka-board member sa unang distrito na kinabibilangan nina Johnny Tiwang, Roger Sagaoc, Romeo Saclag, Jayharley Duguiang, Alfredo Gamongan, Maria Socorro Pallayac-Saclag, Hilario Aggalao, Yvonne Dickpus-Lucas, at Emilio Kitongan habang sa second district at sina Alfredo Dangani, Julius Amla, Chester Alunday, Brandon Tabanganay, Bernard Glenn Dao-as, Camilo Lammawin, at Christopher Dona-al.
Samantala, wala namang makakalaban si Mayor Darwin Estrañero sa pagka-alkalde sa Tabuk City.
Magkakatunggali naman sa vice mayor ng lungsod sina Dick Bal-o, Cornelio Tabanganay, at Ferdinand Tubban.
