Iniulat ng National Electrification Administration (NEA) na 96% ng mga lugar na naapektuhan ng magnitude 7.8 na lindol sa Mindanao ang may supply na ng kuryente.
Ayon sa NEA, 24 sa 25 mga bayan sa southern Mindanao ang na-energize na batay sa pinakahuling ulat noong Hunyo 11.
Dalawang electric cooperatives sa Davao del Sur at South Cotabato II ang patuloy na mino-monitor dahil sa mga bahagyang power interruptions.
Patuloy ang restoration efforts upang maibalik ang kuryente sa natitirang apektadong consumers, lalo na sa mga critical facilities tulad ng ospital.
Nakikipag-ugnayan din ang NEA sa iba’t ibang electric cooperatives at mga organisasyon upang mapabilis ang pag-aayos ng mga napinsalang power lines at pasilidad.
-- ADVERTISEMENT --
