Imbestigan ngana na Civil Service Commission Region 2 y fixer ta opisina da.
Base kanni Atty. Marcelo Cabildo na CSC,igga nakkul ta opisina da nga nakkagi nga igga appa nga taga Santa Teresita,Cagayan nga nalakan ta taggi P10,000 na fixer kanu nga kitali na y CS eligibility.
Kinagi ni Cabildo,nga kinagi kanu na fixer ira nga igga kanu koneksyon da ta unak na CSC .
Ngamme kinagi ni Cabildo nga marigatan ira nga mamwan nu sinni y ireklamo da megafu t ari da ammu y nagan na yaw.
Fera taw ay ari kanu makontak na biktima ira y makagi nga fixer ira.
Megafu taw ay kinajanan ni Cabildo ta maya nga makakala ta CSC eligibility nga makiergo ira ta empleyado na CSC ari ta totolay ira.
Nenawak paga ni Cabildo nga nu igga man mala da nga CS eligibility nga ari luminakak ta kustu nga proseso ay mamwan da yaw nu peke.
