TUGUEGARAO CITY -Nakalawa ta kuwartu nga maggaffu ta probinsya na Isabela y atawa ni PFC. Melvin Raton nga natay ta operasyon kontra Maute terror group.
Ninay si James Geronimo, information officer na provincial government of Isabela ta balay ni PO1 Jesieca Levie Mateo Danga ng Solana, Cagayan tapenu iyangay y P50,000 financial assistance.
Namwan nga nabbakasyon si PO1 Danga nga nakadestino ta Manila Police District megafu ta aranni nga manak yaw ta kaka da ni PFC. Raton.
Base ta Presidential Management Staff-Regional Field Unit 2, olu nga nakalawa ta P250,000 nga financial assistance nga naggafu kanni President Rodrigo Duterte y mana na ni PFC Raton na Delfin Albano, Isabela.
Base ta PMS-RFU 2, y nakagi nga uffun ay neddan na presidente para ta appabalo na ta akkillaban da ta ISIS terror link group.
Fera taw ay umpigan na PMS-RFU 2 y kaparehu na uffun nga iyawa da ta familya na suddalu nga natay gapa ta Marawi siege.
Namwan nga nakakadde turi liggu takay ta C130 y bangkay ni Cpl. Pablito Pascual, residente na Brgy. Kalusutan, Angadanan, Isabela.
