Familya na OFW nga pinatay da ta Jordan nga taga Cagayan,nakalawa ta financial assistance nga naggafu ta Gobyerno

TUGUEGARAO CITY-Personal nga nelawa ni Labor Secretary Silvestre Bello III y uffun ta familya na overseas filipino worker nga pinatay da ta Jordan.

Inalawa ni Gng. Natividad Dalupang y P220,000 financial assistance anna para ta scholarship na ana ni Felma Dalupang Maramag nga si Angelica,15-anyos.

Nangiddan gapa y recruitment agency ni Maramag ta P50,000 anna life insurance anna livelihood asssitance ta yena na nga P500,000.

Fera taw ay nakiergo paga y Overseas Workers Welfare Administration ta familya na OFW para mangilawan ta savings account na yaw ta bangko nga mabbalor ta P200,000.

Matageno nga pinatay da si Felma kavulu na y amo na turi February 5,2017 ta Jordan .

Nelabbe gapa y baggi ni Felma ta ili na Peñablanca,Cagayan duwa ligwan ngana y nappasa.