Lalaki, patay matapos saksakin ng nakainuman at iniwan sa gitna ng daan sa Tuguegarao City

TUGUEGARAO CITY-Wala ng buhay nang matagpuan ang isang lalaki na nasa gilid ng daan na may isang saksak sa tiyan sa Brgy Centro 4 dito sa lungsod ng Tuguegarao.

Batay sa salaysalay ng saksi sa kapulisan, nagkaroon umano ng hindi pagkakaunawaan ang biktima na si Domingo Pudda,22-anyos,ng Brgy Liuan,Rizal,Cagayan habang sila’y nag-iinuman kasama ang hindi pa natukoy na suspek.

Dahil dito, sinaksak umano ng suspek ang biktima sa kanyang tiyan na dahilan ng pagkamatay nito at iniwan sa daan.

Nabatid na kasama rin ng biktima ang suspek sa trabaho sa isang shopping center dito sa lungsod at kapwa residente ng Rizal, Cagayan.

Sa ngayon ,patuloy ang paghahanap ng kapulisan sa suspek dahil wala na umano ito sa tinitirhang bahay sa lungsod.