TUGUEGARAO CITY – Makiddaw ta uffun y magana na bagu ana nga abbing nga igga dakal nga bukul ta ulu na ta Brgy Tangatan, Sta. Ana, Cagayan.
Makimemallo ta publiko si Ginang Joylyn Algudon ta uffun nga pinansiyal o medikal para ta ana na nga neana na turi Agosto 5 nga igga dakal nga bukol nga mas dakal paga ta ulu na.
Ari paga ammu na mana na abbing nu anni y nalumay nga bukul nga nattugu ta ulu ni baby Niño megafu ta normal gapa y ultrasound na yaw turi nebussi paga yaw na yena na.
Igga gapa mangikagi nga siguru nakaga iyya ta zika virus y yena na abbing turi nebussi na yaw.
Pangurugan na gapa nga yaw ay epekto turi alwaringan na y Octopus.
Sangaw anga aggaw ay iyangay da taw ta Tuguegarao si baby Niño tapenu mepasita ta espesyalista.
Problema na pamilya y pangapan da tagastos da anna y mawak na abbing yatun ta makkiddaw ira ta uffun ta totolay ira.
