Tuguegarao City- As of 5PM of October 16, 2020, Nakapagtala ng pagguho ng lupa ang bayan ng Baggao, Cagayan bunsod ng patuloy na pagbuhos ng ulan sa lalawigan.
Ito ay partikular sa mga Barangay ng Dalin at Dalla sa nasabing bayan.
Sa panayam kay Narciso Corpuz, head ng MDRRMO Baggao, kabilang sa naaapektohan ng pagguho ay ang kalsada sa Brgy. Dalin at bahagi naman ng riverbank sa Brgy. Dalla.
Lubog din aniya sa tubig baha ang tulay sa bahagi ng Abusag, Bagunut at ang Mocag sa Baggao dahil sa walang tigil na pag-ulan.
Hindi rin ngayon madaanan ang Tallan- San Jose Road sa bayan ng Baggao dahil sa pagtaas din ng antas ng lebel ng tubig sa Abusag Bridge.
Sa ngayon ay patuloy ang monitoring ng nasabing tanggapan sa mga lugar sa Baggao na madalas makapagtala ng pagguho at pagbaha upang agad makapagsagawa ng mga rescue operation.
