Kinundena ni Mamamayang Liberal Party-list Rep. Leila De Lima at ng Akbayan Party ang nakatakdang pagsasara ng Independent Commission for Infrastructure (ICI), na itinatag upang siyasatin ang umano’y katiwalian sa mga proyekto sa imprastruktura.
Ayon sa kanila, nanatiling mababaw ang imbestigasyon ng ICI dahil nakatuon lamang ito sa mga flood control project, iilan lamang ang naimbestigahan, at hindi naging epektibo ang ginawang livestreaming ng mga pagdinig.
Binuo ni Pangulong Ferdinand Marcos Jr. ang ICI upang magsilbing independiyenteng komisyon, ngunit nanatiling rekomendatory ang katawan at ipinasa ang mga natuklasan sa Office of the Ombudsman para sa karagdagang aksyon.
Para kay De Lima at sa Akbayan, ang pagsasara ng ICI ay nagpapakita ng kakulangan sa transparency at panagot sa mga sangkot sa multibilyong-pesong iskandalo sa flood control.
