TUGUEGARAO CITY-Nala ta naresto nga tadday nga lider kanu na New Peoples Army ta Region 2 y palattuk na pulis ira.
Ira yaw ay y palattuk na police escort na napatay nga dati nga Mayor Carlito Pentecostes na Gonzaga,Cagayan nga napatay turi April 2014 anna palattuk na napatay nga pulis ta ambush ta Baggao turi 2016.
Kinagi ni Colonel Bartolome Vicente Bacarro, commander na 502nd Infantry Brigade nga mapakuruk laman yaw nga si David Soriano y namatay ta dati nga Mayor anna nappolu ta ambush nga nepatay na annam nga pulis.
Manguruk y opisyal nga magafu na otoridad y duwa paga nga top leader na NPA ta Region 2 nga maddagunan da na nga bantayan.
Fera taw ay kinagi na nga “act of terrorism” y iningwa na NPA ta panallung da ta PNP stations ta Quirino anna ta Cagayan megafu ta namerwisyo da ta totolay ngana.
