TUGUEGARAO CITY – Negamma na Qatari government y residente anna y matrabahu tari nga mangibalita ta mesissimmu ta nakagi nga Nationa.
Yaw ay ta kabalin nga nanaw ta diplomatic relations na Qatar ta Saudi Arabia, UAE, Bahrain anna Egypt megafu ta passuporta da kanu ta terorista.
Ta interview na Bombo Radyo Tuguegarao kanni Marjorie Soriano Pineda, OFW ta Doha Qatar anna taga Isabela,kinagi na yaw nga strikto anna nakamonitor y gubyerno na Qatar ta akkul anna post ta social media.
Kinumfirma gapa ni Pineda nga igga panic buying tari megafu ta mattalaw ira nga makkurang y supply.
Fera taw ay kinagi gapa ni Cheryl Reyes, OFW ta Doha, Qatar anna taga Iguig, Cagayan nga maddaggun ngana y negosasyon na Qatari government anna ta nation ta Gitnang Silangan.
Kinagi gapa ni Armando Saldino Jr, atawa na tadday nga OFW ta United Arab Emirates (UAE) nga ari da tanggapan y Qatar Riyal tari.
Kagabi ay pinapanaw da ta kumpanya nga maggafu ta UAE nga nakabase ta Qatar y OFW’s tari tapenu ari madamay ta tensiyon.
