Security guard, sugatan matapos mabunggo ng sasakyan ng isang pulis sa Peñablanca

TUGUEGARAO CITY- Kasalulkuyang inoobserbahan sa ospital ang isang security guard dahil sa tinamong mga sugat sa ulo at katawan matapos siyang mabangga ng sasakyan ng isang pulis kagabi.

Sinabi ni PMaj.Rey Lopez, hepe ng PNP Peñablanca na sa kanilang imbestigasyon, nasa gilid ng kalsada sa Brgy. Alimannao si Marlo Marcos sakay ng kanyang motorsiklo nang masagi siya ng kotse ni PSSGT. Rexor Eda ng Sto.Tomas , Isabela at nakatalaga sa PNP Region 2.

Inamin din ni Lopez na nakainom ng alak ang pulis subalit hindi naman lasing.

Idinagdag pa ni Lopez na inihain na nila ang reklamo laban sa pulis sa piskalya.