TUGUEGARAO CITY -Nekwa ta stress debriefing y survivor ira ta natannak nga Leomarick minibus ta Carranglan, Nueva Ecija.
Base kanni Lenilyn Pinde na Philippine Red Cross- Nueva Vizcaya Chapter, ninay y Red Cross Volunteers ta naduma duma nga ospital nu sitaw nga neangay y biktima tapenu maganwa da ta stress debriefing.
Namwan nga y survivors ira nemanno ta abbing ira ya na- trauma.
Makimemallo gapa y Veterans Regional Hospital ta Bayombong, Nueva Vizcaya ta familya na tallu ragu nga abbing nga babay nga angyanan da yaw ta ospital.
Namwan nga ari mamwan nu sinni y abbing megafu ta ari iyya makaergo.
Fera taw ay katorse ta natay ta trahedya ay ari paga mamwan nu sinni ira megafu ta awan paga tu familya da nga ninay ta punenarya.
Sangaw ay igga ngana ta 34 y natay habang 45 y nabigaran nga maddaggun nga maurwan ta ospital base ta Red Cross.
