Tadday nga mestru nakasowan megafu ta angmolestiya na kanu ta Grade 5 pupil na sa Iguig Cagayan
TUGUEGARAO CITY – Nakasowan ta Acts of Lasciviousness y tadday nga mestru megafu ta pang-molestiya na kanu ta Grade 5-pupil ta ili na Iguig.
Y suspek ay si Felipe Sedano, math teacher ta Redondo Elementary School.
Base kanni PSI Alexander Tamang, Deputy Chief of Police na PNP-Iguig, kavulu na nga narreport ta pulisya y menor de edad nga biktima tapenu ireklamo da y suspek.
Ta kinagi na biktima, inakkulan kanu iyya na mestru da anna tadday paga nga kaklase na tapenu pakarenwan da y computer room na nakagi nga skwela.
Habang maddaggun da nga mappakarenu ay nepalak na mestru y galon ta kavulu na biktima ta tadday nga classroom nu anni ay nabattang nga messissa y biktima.
Yaw kanu nga nekikikiss na mestru y biktima anna tinammi na y pribado nga partes na baggi na.
Nattatangi kanu nga nallabbe y abbing anna nedanuk na ta yema na y kiningwa na mestru da.
Desidido y familya na biktima nga kasowan y mestru.
