Vintage bomb nga igga ta palaw ta Cagayan,mappalawan tu atu

TUGUEGARAO CITY-Babbantayan da y palaw ta Brngy.Bulala ta Camlaniugan,Cagayan megafu ta nasita da nga atu.

Olu taw kinagi na PNP Camlaniugan nga base ta assessment na tadday nga eksperto ta pampasabog,vintage bomb kanu y napputuk anna ade sangaw ay matuk.

Kinagi gapa ni Bulala Brngy. Chairman Manuel Pascual,nga nakaddaddam da ta lunig ta lugar da turi napputuk y bomba.

Makagi nga duwa ligwan ngana nga matuk yaw ta palaw.

Manguruk y kapitan nga posible nga y bomba ay nabattang na hapon megafu ta nasservi nga kampo na hapon ira y lugar da turi World War II.

Mattalaw gapa y residente anna otoridad ira nga aranyan yaw megafu ta ari paga nga fermi nga napputuk.