TUGUEGARAO CITY-Nadde ta 24 nga rebeldeng New People’s Army (NPA)y nattoli ta Rehiyong Cordillera base ta nelawan nga datus na Armed Forces of the Philippines Northern Luzon Command (Nolcom) ta unak na tangavulan.
Naporyan nga nassurender y medical officer na Kilusang Larangang Guerilla Montes na NPA-Abra nga si Catherine Cortez.
Iyya ay igga ta kustodiya na 24th Infantry Battalion, Philippine Army ta Barangay Tagodtod, Lagangilang, Abra.
Bitbit kanu ni Cortez ta assurender na y M-16 rifle nga igga duwa nga magazines na,tadday nga rifle grenade anna 60 rounds na 5.56 ammunition.
Base ta record na Nolcom, pitu nga rebelde y boluntaryo nga nassurender ta Abra, pito ta Kalinga habang 10 gapa ta probinsiya na Ifugao turi Marso 31 adde May 8.
Ekspektan ni Lt. Gen. Romeo Tanalgo, Commander na Nolcom nga base ta pagoroffunan na local government units, Philippine National Police, militar anna y komunidad ay mala y nabayak ngana nga ikaya da nga apan nga imammo.
