TUGUEGARAO CITY-Nedeklara nga drug cleared province y Apayao kasabay na selebrasyon na 22nd founding anniversary nga iningwa da ta Kabugao.
Mismu nga si Chief Supt. Elmo Francis Oco Sarona nga bisita ta nakagi nga okasyon y naddeklara nga drug cleared y Apayao.
Base ta datus,maturu nga 800 ta maturu nga 1,000 nga barangay y drug affected.
Ta mensahe na, kinagi na heneral nga pare nakwan ay mamentena na Apayao y estado da.
Amung na yaw ay nappabalo si Apayao Governor Butzy Bulut Jr. megafu ta nakasta nga resulta na kampanya na otoridad kontra ta iligal nga droga.
Kinagi na nga kauuffun na otoridad y barangay officials anna y totolay ira ta probinsya na Apayao yatun ta nala da y drug cleared province.
Kinadiyanan na gobernador y dati nga mangusa anna mangilaku ta droga nga ari da na tolyanan y narakay nga bisyu da.
