TUGUEGARAO CITY – Kinansela na Philippine Coast Guard o PCG y biyahe na barangay ta kayan nga sakup na Cagayan megafu ta Tropical Depression Fabian.
Base kanni Ensign Joel Nieva, information officer na Coast Guard Aparri nebawal da gapa ta mesesira ira nga manga ta isira ta kayan megafu ta igga Tropical Cyclone Warning Signal No. 1 ta Batanes anna Northern Cagayan anna Babuyan Group of Islands.
Kinagi ni Nieva nga nakaalerto y PCG anna nakaprepara y gamit da para ta posible nga deployment da ira.
Maski igga badju na ay tuluy laman y PCG anna Philippine Navy ta pattaful ta tadday nga miyembro na mapparyentes nga nakkaaberya y nattakayan da nga barangay ta Calayan Island.
Base kanni Nieva, iyimmbang da laman y pattaful taw nu nagukak ngana y visibility ta lugar megafu ta badju.
Olu nga narekober y appa nga karavulu na yaw ta sakup na Dalupiri Island nu anni ay insigida nga inurwan na tolay na Rural Health Unit na isla na Naguillian nga sakop paga na Calayan Island.
