TUGUEGARAO CITY-Magimmang ta Casiguran, Aurora y duwa nga barko na Armed Forces of the Philippines (AFP) sonu Mayo 15 para ta ika 33 edisyon na RP-US Balikatan Exercise 2017.
Base kanni Maj. Celeste Frank Sayson,na Balikatan,y paggangay na daraddakal nga barko na BRP Tarlac ay partes na “civil military activities from the sea” na sundalo na Pilipinas anna Estados Unidos.
Yaw ay y bilateral nga angitraining ta humanitarian assistance disaster relief (HADR) ta Upi, Isabela anna counter terorism ta tanakwan nga lugar ta nation tam.
Kinagi ni Sayson nga nakasentro y training ta naduma duma nga aspeto na disaster preparedness ta rehiyon dos bilang apprepara ta posible nga aggangay na badju anna karwan nga kalamidad.
Y BRP Tarlac nga ginatang na Pilipinas ta Indonesia ay usan na AFP ta humanitarian assistance anna disaster response nga kaya na nga mangidala ta uffun ta isolated areas ira megafu ta kalamidad.
Magimmang y barko ta Sabtang island ta Batanes kavulu na y Calayan island maggafu ta Cagayan anna Macunacun, Isabela liye y final destination ta Casiguran, Aurora nga vukatan da ta media.
