Electronic Technician, kulong matapos manggulo at magpaputok ng baril sa bayan ng Pamplona

TUGUEGARAO CITY-Kulong ang isang electronic technician matapos manggulo at magpaputok ng baril sa bayan ng Pamplona.

Ayon kay Police Major Florentino Marallag, Chief of Police ng PNP-Pamplona,agad rumesponde ang kanilang hanay nang ipagbigay alam sa kanilang himpilan ang ginagawang pagpapaputok ng baril ng suspek na si Jeffey Paul Mallabo ng Brgy San Juan.

Nadatnan ng hanay ng kapulisan ang suspek na lango sa nakalalasing na inumin habang nanggugulo.

Nakuha sa suspek ang isang Calibre 45 at magazine na may laman na pitong bala.

Nabatid na laging nanggugulo ang suspek sa tuwing nasa impluwensiya ng nakalalasing na inumin.