TUGUEGARAO CITY- Nakimemallo y PNP Tuguegarao ta biktima ira na krimen nga ireport da ta stasyon da y experiensa da tapenu maddennan yaw ta aksion.
Apela yaw ni Police Supt.Edward Guzman,hepe na PNP Tuguegarao ta kabalin nga ari nereport na estudyante nga si Jinky Dale Ballinan y nakwa nissa.
Amung na yaw kinagi ni Guzman nga manguruk iya nga kolorum y tricycle ta nakagi nga insidente
Kinajan ni Guzman ta mallabbe ta gabi nga i-text da na ta mana da o ta kilala da y body number na nattakayan da nga tricycle.
Ta istorya ni Ballina,nakatakay iyya ta tricycle turi gabi na liggu nga mallabbe ta Ugac Norte turi gavva nga iyimmang na da nazibbo nga lugar ta Brngy. Bagumbayan anna naddeklara na hold-up
Kinagi ni Ballina nga megafu ta nattalaw yaw ay insigida na nga neddan y P600 na ann y nangina nga cellphone na.
Ari na ngana nga nala y body number na tricycle megafu ta nattalaw yaw tapenu idanuk na nakwan ta otoridad.
Megafu taw ay nanalan iyya malabbe ta balay da.
