Kulong ang itinuturing na Top 12 High Value Target sa Region 02 sa buy-bust operation sa Barangay Centro Southwest, Solana, Cagayan, kaninang umaga.
Nakumpiska sa suspek na si Benedict Carag, 34-anyos, online seller at laborer ng Department of Public Works and Highways (DPWH), residente ng Brgy. Centro Northeast ang 3 pakete ng hinihinalang shabu at 1 pakete ng pinatuyong dahon ng marijuana.
Hinuli ang suspek nang mabilhan nang nagpanggap na buyer ng P4,000 halaga ng umanoy shabu.
Ayon kay PCAPT Jhun Jhun Balisi, hepe ng PNP-Solana, itinuturing na high-value target ang suspek na konektado sa isang local drug group.
Inihahanda na ng pulisya ang pagsasampa ng kasong paglabag sa Republic Act 9165 o Comprehensive Dangerous Drugs Act of 2002 laban sa suspek.
