Honest tricycle drivers ta Tuguegarao City,neddennan ta cash reward
TUGUEGARAO CITY-Neddennan na City of Tuguegarao ta P3,000 anna Certificate of Appreciation y lima nga tricycle driver nga nangitoli ta kuwartu anna importante nga gamit nga natalan na pasahero da ta takay da.
Y neddennan ay ira da Dominador Sera nga nangitoli ta P19,000 cash anna tseke nga mabbalor ta P40,000,Jester Jake Bunagan nga nangitoli ta iphone nga mabbalor ta P50,000,Romy Lego nga nangitoli ta jet pump nga neangay ta Tricycle Regulation Unit na Tuguegarao,James Ballad anna Jerome Mora nga nangitoli ta pitaka nga igga nadyan na nga kuwartu.
Amung na yaw kinagi ni Vincent Blancad,head na TRU nga y pangiddan da ta pabuya ay appabalo ta honest tricycle driver anna tapenu makilala ira ta nakasta nga nepamasingan da ta kagitta da nga tricycle drivers.
Fera taw ay kinagi gapa ni Sera nga air iyya nagkainteres ta nakagi nga kuwartu nga nepay ta tadday nga bag nga kukwa na babay nga taga-Baggao.
