TUGUEGARAO CITY-Natay y tadday nga laborer ta kabalin nga kattakattaban na wagi na ta ili na Ballesteros,Cagayan.
Y biktima ay si Eddie Padua,54, anna y suspek ay si Jay-ar,35,ading na ,laborer ,parehu nga igga atawa dan anna residente ira ta Brngy. Zitanga.
Base kanni PSI Gilbert Danga, Deputy Chief of Police na PNP Ballesteros,nagerenuman y mawwagi anna y kofun da ta nakagi nga lugar.
Kinagi ni Danga nga malabbe ngana y mawwagi turi nakkaturya da yaw yatun ta ina na biktima y ditchal na anna turi kattabban na y suspek ay insigida nga nakakarela yaw anna ina na y ditchal na gapa anne kinattakattak na y manung na nga gafu na pappatay na.
Turi masita na suspek y awan tu inango na biktima ay inakka na yaw nga neangay ta arubang na balay da.
Insigida gapa nga nassurender y suspek ta kapulisan anna y 15 inches nga ditchal na nga neusa na ta krimen.
Namwan nga y biktima ay napatay na turi y manung na gapa.
