TUGUEGARAO CITY – Nagafu na otoridad ira y tadday nga container van nga nakkarga ta 1,000 board feet na iligal nga kayu na narra ta Probinsya na Apayao.
Base kanni PSI Garry Gayamus, hepe na PNP-Conner, kavulu da y CENRO insigida nga nagangawa da ta checkpoint ta Brgy Buluan ta kabalin nga makalawa da ta impormasyon nga igga ibyahe da nga illigal nga kayu.
Nakatakas gapa y driver na van anna y kavulu na paga yaw ta kabalin nga mappakammu ira ta otoridad nga tawagan da y amo da ngamme ari na ngana nga nanoli.
Maturu nga P90,000 y balor na kayu nga pinanawan da.
Sangaw ay tammi ngana na Cenro y kayu nga iddan da ta Provincial environment and natural resources (PENRO).
-- ADVERTISEMENT --
