Humingi ng paumanhin si Quezon City Representative Bong Suntay kay actress Anne Curtis at sa mga na-offend sa kanyang pahayag noong deliberasyon ng House Committee on Justice sa impeachment complaints laban kay VP Sara Duterte, ngunit iginiit niyang walang malisya ang kanyang analogy.
Ayon kay Suntay, ang kanyang pahayag ay fictitious at ginamit upang ipakita na ang imagination at desire ay hindi impeachable offense.
Mariing tinuligsa ni Rep. Perci Cendaña ng Akbayan ang pahayag at nanawagan kay Suntay na sumailalim sa gender sensitivity training, habang sinabing puwede rin silang magsampa ng ethics complaint.
Ayon kay House Assistant Minority Leader Sarah Elago, ang hindi pagsisisi ni Suntay ay nagpapakita ng normalisasyon ng kawalang-galang sa kababaihan, at nakakaapekto sa kultura at araw-araw na buhay ng mga babae.
