Tuguegarao City- Mahigpit pa ring ipatutupad ang mga safety protocols sa mga pamilihan sa lungsod ng Tuguegarao sa pagsapit ng buwan ng Hunyo.
Ito ay kaugnay sa pag-iingat sa banta sakit na dulot ng COVID-19 Pandemic.
Sa panayam kay Pedro Cuntapay, City Market Head ng Tuguegarao, mananatiling polisiya pa rin ang pagsusuot ng face mask at pagpapanatili ng social distancing.
Ayon sa kanya ay magiging alerto ang kanilang tanggapan upang ipatupad ang mga batas na kailangang masunod sa pamimili.
Umapela pa si Cuntapay ng kooperasyon at disiplina sa publiko kaugnay sa pagsunod sa mga alituntunin upang makaiwas sa sakit.
Samantala, ipinaalala naman nito na itago lamang ang mga ipinamahaging COVID-19 Shield Control Pass ng LGU Tuguegarao upang may magamit sakali mang ito ay kailanganing muli.
