Tambak nga basura, newarena ta lugar pasyalan ta angiselebra ta Semana Santa

Tuguegarao City – Gitta na mekspektan,ari laman y simban y daywan na totolay ira ta asselebra ta mahal na araw.

Dinayu gapa na tolay y kayan, resorts anna beaches nu anni ay navvurulu y mappaparyentes anna y makkokofun.

Ngamme nangibattang ira ta basura ta kayan anna karwan nga appasyaran.

Y karwan gapa nga simban ay iningwa da nga alle dumpsite y pallevu na megafu ta nawwawara nga plastic.

Yaw ay maski kanayun nga ipaalala na environmentalist nga ari mangitabbo ta basura ta appasyaran anna maski laman ganuri y angikontribusyon da ta pagalaga ta pallevu tam.

Ta impormasyon nga neadde da ta Bombo Radyo, basura y nebattang na nappasyar ira ta tawi river sta ili na Penablanca.