Itinaas na sa Tropical Cyclone Wind Signal (TCWS) No. 5 ang apat na lugar sa bansa matapos lumakas at maging ganap na super typhoon ang Bagyong Uwan (Fung-Wong).
Kabilang sa mga nasa ilalim ng Signal No. 5 ay ang Polillo Islands, Hilagang bahagi ng Camarines Norte (Daet, Talisay, Paracale, Vinzons, Jose Panganiban, Mercedes, Basud), Silangang bahagi ng Camarines Sur (Siruma, Caramoan, Garchitorena, Tinambac, Lagonoy), Catanduanes.
Huling namataan si Uwan alas-7 ng umaga sa layong 125 kilometro silangan-hilagang-silangan ng Virac, Catanduanes. Taglay nito ang hanging umaabot sa 185 kilometro kada oras malapit sa gitna at bugsong hangin na umaabot hanggang 230 kilometro kada oras.
Kumikilos ang bagyo pakanluran-hilagang-kanluran sa bilis na 25 kilometro kada oras.
Patuloy na pinapayuhan ang mga residente sa mga apektadong lugar na manatili sa ligtas na lugar at sundin ang mga abiso ng lokal na pamahalaan dahil inaasahang magdadala si Uwan ng malalakas na hangin at matinding pag-ulan sa mga susunod na oras.
