TUGUEGARAO CITY-Adde sangaw ay ari paga nga manguruk y negosyante nga ari nappakilala nga ina na budul budul gang y 5M pesos nga kuwartu na.
Base ta kinagi na biktima ta PNP,ruminanni nissa y tadday nga lalaki anna tadday nga babay nga nappakilala nga ira ay taga Thailand.
Nappauffun ira nissa nu kunnasi y mangilawan tu kuwartu ta bangko.
Nepasita na kanu ta suspek ira nu kunnasi y angilawan ta kuwartu nu anni ay nelawan na y 2M pesos na ta BDO ngamme nangilawan mangngana tu 3M pesos ta
PNB ta kabalin nga kajan na babay nga ari na nga nala y proseso na angilawan tu kuwarto.
Ta kabalin na yaw ay neangay na suspek y biktima ta allakwan na motorparts turi mapansin na nga tanakwan y bag nga nala na.
Nakkafi iyya turi nasita na nga puru papel anna P2,000 laman y igga ta bag.
