DA Cordillera,siniguru y ufun ta kusetyeru ira nga nafeaktan ta badju nga“Gorio”

TUGUEAGARAO CITY-Nakaprepara y Department of Agriculture (DA) Cordillera nga mangiddan ta ayuda ta kusetyeru ira nga nafektan ta badju nga Gorio turi nabalin nga aggaw.

Base ta DA cordillera igga stock ira nga bini na ammay mangi,anna gulay nga meddan ta kusetyeru ira.

Megafu taw ay mawak nga ireport na kusetyeru ira ta Municipal Agriculture Office y nadaral nga mula da.

Megafu ta y nakagi nga opisina y mangipasa ta crop damage report ta office of the provincial agriculturist para maivalidate na DA nga usan da nga basehan ta pangiddan ta nakagi nga uffun ta nadaral nga mula.

Namwan nga igga ta P2.4 million nga balor na nadaral nga mula megafu ta tuloy-tuloy nga uran anna angin megafu ta badju nga Gorio.