TUGUEGARAO CITY – Siniguro na Department of Interior and Local Government (DILG) y passe-seryoso ta negukak da nga programa para ta drug surenderees ta probinsiya na Cagayan.
Siniguro ni Engr. Corazon Turibio, Director na DILG Cagayan nga alalayan da y ili ira ta probinsya nga aru y nassurender ta illegal nga droga.
Y fermi taw ay yaw nga vulan na Mayo ay mattraining y Municipal Health Officer, Municipal Social Welfare and Development officers, PNP, Phsychologist anna karwan gapa para ta community based program.
Ira yaw ay y Tuguegarao City, Solana, Baggao, Ballesteros, Aparri, Gonzaga anna karwan nga ili ira nga aru y surenderees da.
Y kaya da nga kuwan ay tuldwan da y LGU ta pagangwa ta rehabilitation program ta Barangay level anna tapenu mamwan nu sinni y surenderee ta light o moderate nga posible nga isailalim ta rehabilitasyon.
Liye gare nga meddenan ta assistance nga livelihood program na DSWD y drug surenderee ay mawak nga mesali ira ta community based program.
