Driver na motorsiklo nga nebangga ta tadday nga bus ta Tuguegarao City ,natay ngana

TUGUEGARAO CITY- Natay ngana y driver na motorsiklo nga bumangga ta bus turi albasu taw ta Tuguegarao City

Y natay ay si Noriel Christian Parallag,38,tadday nga architect.

Base ta PNP umay nakwan ta Isabela y biktima turi mabangga na yaw y tadday nga karitela anna nebangga yaw ta bus nga nadderetso ta gannung na.

Megafu ta nevurug nga gasolina na motorsiklo ay gavva nga nallazzog y afi nga gafu nga natuggi y bus.

Nabigaran gapa ta insidente y tadday nga pasahero nga naggafu ta La Union nga mappasyar nakwan ta Aparri megafu ta napura yaw ta aggukak na.