Mag-ama, sugatan sa banggaan ng motorsiklo at elf sa Cagayan

TUGUEGARAO CITY-Ginagamot na sa ospital ang mag-ama na nasangkot sa isang aksidente kagabi sa Abulug,Cagayan.

Sinabi ni Police Major Ronald Balod,hepe ng PNP Abulug, hanggang ngayon ay hindi pa nagkakamalay ang anak na babae ni Albert De Guzman na kapwa nasa ospital sa Apayao.

Ayon kay Balod,sa kanilang imbestigasyo, sinikap umano ng driver ng elf na si Mark Angel Gomez ng Linao East,Tuguegarao City na iwasan ang motorsiklo nang mapansin niya na papunta ito sa linya ng kanyang sasakyan subalit nangyari pa rin ang salpukan.

Sinabi ni Balod na malakas ang ulan ng mangyari ang aksidente sa Sitio Ayaga,Brngy. Lucban.

Ayon kay Balod, nasa kostodiya nila ang driver ng elf, maging ang kanyang sasakyan at ang motorsiklo ng mga biktima.