TUGUEGARAO CITY- Nakasowan ta murder y magatawa nga NPA nga nakapatay ta tadday nga suddalo ta engkwentro ta Sto. Niño,Cagayan turi Pebrero.
Base kanni PSI Magno Catubag,hepe na PNP Sto. Niño ira da Ferdinand anna Mary Grace Bautista,miembro na Danilo Ben Command na NPA nga igga da ta West Cagayan y nakapatay kanni PFC Rowel Tabuada, miembro na 17th Inafantry Battalion, Philippine Army.
Yaw ay ta iningwa da nga imbestigasyon kavulu da y 17th IB.
Fera ta magatawa ay nakasowan gapa ta frustrated murder y tallu nga miyebro na nakagi nga rebelde nga sangkot ta mekadwa nga engkwentro na militar nga nabigaran gapa y lima nga suddalo.
Nakilala da yaw nga ira da David Soriano,”aka Rosa”.Chistina Miguel, “aka Senyang” anna Lolito Raza, “aka” Lanlan.
Fera taw ay kinagi ni Ginang Belinda,atawa ni PFC Tabuada nga ari paga napagustwan ta nekaso da kontra ta nakapatay ta atawa na.
Kinagi na paga nga ari ngana metoli na akusado y attolay na atawa na maski paga malunsu ta karselan.
Megafu taw ay ari iyya mapaliwa nu kontra iyya ta NPA megafu ta awan tu nakasta nga iyawa da ta attolay.
