TUGUEGARAO CITY-Ipakkul kanu na Cagayan State University Tuguegarao City y mestru nga naninntu ta treses anyos nga estudyante ta computer shop nga nag-viral ta social media.
Kinagi ni Atty.Honorato Carag,legal officer na CSU nga maski awan tu nakakadde nira nga reklamo asunto ta iningwa ni Victor Tondo ay mawak nga mamwanan y rason ni tondo ta nakagi nga insidente.
Yaw ay maski nakiddaw ta dispensa y mestru ta abbing anna ta magana na ta facebook page.
Masita ta video footage nga sinuntu na mestru ta mamiddwa y estudyante ta muka na yaw turi aksidente nga masiko na y ulu na mestru.
Narrason paga y mestru nga natakitan iyya ta insidente anna ari na ammu nga mabbing paga yaw.
Namwan nga si Tondo ay part time instructor ta College of Teacher Education Department na CSU.
