Misis personal nga neadde na y problema na ta atawa na nga nagafu ta Saudi Arabia kanni Labor Secretary Bello

TUGUEGARAO CITY-Nappromeso si Labor Secretary Silvestre Bello III nga makiegro iyya ta Labor Attache ta Riyadh, Saudi Arabia asunto ta problema na ta tadday nga babay nga ginafu da y

atawa na ta nakagi nga nation.

Olu taw ay personal nga neadde ni Gng.Carmeline Domingo na Enrile,Cagayan kanni Bello y sitasyon na atawa na nga si Efren ta Riyadh.

Kinagi na nga istorya na atawa na nga nanaw iyya ta kumapanya nga patrabahuwan na megafu ta tangaragun nga ari iyya nasuweldwan.

Kinagi na gapa nga base ta istorya na paryentes da nga igga ta Riyadh nga ginafu da y atawa na megafu ta ari mamwan nga rason.