TUGUEGARAO CITY- Nesurender la ngana ta afu na National Tobacco Administration (NTA) y pangetan na tobacco industry taw ta Cagayan.
Kinagi ni Corazon Reasonda,Manager na NTA-Cagayan nga posible gare nga matay y tobacco industry megafu ta posible nga firman ni Presidente Rodrigo Duterte y nationwide anti-smoking ban.
Yaw ay partes na kampanya na Department of Health kontra ta sigarilyu.
Fera paga taw ta dadduma nga problema na NTA gitta laman ngana na paggukak na mammula ta tabako, nagukak nga presyo na produkto, downgrading anna aur paga nga rason.
Kinagi ni Reasonda nga limitado gapa y fondo nga iddan na Department of Agriculture ta tobacco industry.
Kinagi paga na opisyal nga tuluy laman y pagumpik da ta curing shed anna dadduma paga nga pasilidad na mammula ta tabako nga zinaral na “Lawin” turi nabalin nga ragun.
