Patuloy na inaalam ng pambansang pulisya ang pagkakakilanlan ng tricycle driver na umanoy nangholdap sa kanyang estudyanteng pasahero sa Tuguegarao City, noong Huwebes.
Batay sa salaysay sa pulisya ng biktimang si Jan Argi Soriano, 18 anyos ng San Pablo, Isabela, sumakay siya sa tricycle sa may bahagi ng Barangay Caggay patungo sa Cagayan state University – Carig Campus kung saan siya nag-aaral.
Subalit hindi pa man nakakalayo ay tinutukan na umano siya ng kutsilyo at nagdeklara ng hold-up ang driver.
Tinangay ng suspek ang cash na P200 na baon ng biktima at kanyang cellphone bago ito ibinaba sa paakyat na bahagi ng Barangay Caggay.
Sa ngayon, nakipag-ugnayan na ang pulisya sa Tuguegarao City command center kaugnay sa kopya ng CCTV footage na posibleng makapagtuturo sa suspek.
