Ipinag-utos ni Pangulong Ferdinand Marcos Jr. ang pagtaas ng subsistence allowance ng military personnel ng Armed Forces of the Philippines (AFP).
Sa Executive Order No. 84 na nilagdaan ni Executive Secretary Lucas Bersamin para may Marcos, sinabi ng pangulo na itataas ang subsistence allowance mula P150 sa P350 per day epektibo noong January 1, 2025.
Ang pagtaas ng nasabing allowance ay para sa AFP officers at enlisted personnel, maging ang trainees at probationary second lieutenants/ensigns nsa sumasailalim sa military training, Citizen Military Training cadets na kasalukuyan ang summer camp training at reserve officers at enlisted reservists na sumasailalim sa training at assembly/mobilization test, Citizen Armed Force Geographical Unit, at cadets.
Kukunin ang dagdag na allowance sa available appropriations ng AFP sa ilalim nang inaprobahan na 2025 budget at iba pang fund sources na tutukuyin ng Department of Budget and Management, na isasailalim sa mahalagang budgeting, accounting, at auditing laws, rules and regulations.
