Nasa kostodiya na ng mga otoridad ang suspect sa pagpatay sa isang babae na natagpuan sa Pattaui St. Ugac Norte, Tuguegarao City kahapon ng umaga.
Subalit tumanggi muna ang mga otoridad na kilalanin ang suspect na binigyan ng alias na Jeyzel
Matatandaan na natagpuan ang bangkay ng babae sa gilid ng kalsada sa nasabing lugar na may saksak sa kanyang tagiliran at sugat sa kanyang mukha.
Sa ngayon ay nasa isang punerarya ang babae na hanggang ngayon ay hindi pa rin nakikilala.
